DALLAS, Texas – E exmandatario Republicano George W. Bush y su casa, Laura, no a vota pa ningun di e candidatonan cu ta aspira pa e presidencia di Merca, aunke si nan a haci pa e otro candidatonan Republicano cu ta participa den e otro eleccionnan di diamars, un vocero di e famia a bisa.
“Nan a vota “ningun di esnan di ariba”, den e eleccion presidencial, Freddy Ford, vocero di e pareha a bisa den un email, kende actualmente ta bibando na Dallas.
Kibrando cu e tradicion, ni George W. Bush, kende tabata presidente desde 2001 pa 2009, ni su tata, e exmandatario Republicano George H.W. Bush, a respalda e nominado Republicano pa Cas Blanco, e magnate Donald Trump.
Jeb Bush, e ruman mas chikito di George W. Bush, y yiu di George H.W. Bush, a competi contra Trump pa e nominacion Republicano e aña aki den un primaria hopi zuur, carga cu insulto.
Fuente: NTN 24