Ex luchado profesional ta mata su casa pa despues comete suicidio

0

E ex luchado profesional Charles Williams a mata su casa, Stephanie Burnett Williams, den nan cas na Pennsylvania, mientras cu su yiunan morocho di 10 aña tabata drumi, algun meter mas leu.

Diabierna anochi, segun investigacionnan haci pa polis di West Goshen, e deportista prome a tira su casa y despues a kita su mesun bida. Esaki a wordo informa via un comunicado di autoridadnan.

E morochonan, un mucha muhe y un mucha homber, di 10 aña, tabata drumi den nan camber ora cu e masacre a tuma luga den scuridad di e anochi, den e cas na 302 North Five Points Road.
E noticia a conmove e mundo di lucha liber, den cual Williams tabata profesional y tabata competi bou di e nomber Rockin’ Rebel. Chad Williams, ruman di e deportista, a skirbi cu e morochonan ta destrosa pa e morto di nan mayornan. “Nan tabata e prome testigonan di e destruccion cu nan tata a haci”.
“Mi subrino tin solamente 10 aña y el a haya tur dos, mami y papi. El a check nan pulso y a core subi trapi pa conta su ruman kico a pasa. Nan mester a bolbe pasa over di nan pa sali bay busca nan cacho Apollo”, Chad a conta.
Williams tabata participa den e circuito Extreme Championship Wrestling, awo conoci como Eastern Championship Wrestling, unda el a logra gana varios premio.

Fuente:  INFOBAE

Comments

comments