Diaranson, pa mas of menos 3’or di atardi, Chief Security di un high rise hotel a yama warda riba un ladronicia cu a tuma luga un raot prome. Parce cu ta trata aki di dos persona. Un dama color cla y un hende homber color tiki mas scur, kende lo mester a comete ladronicia riba beach y lo a bay cu dos telefon celular y tambe un cartera color preto, for di un rugtas. Un trahado di Frank’s Watersport a nota esaki y di biaha a pone security di e hotel na altura. E causantenan, esta e dama, tabata tin un shimis preto cu blanco bisti y e homber tabata tin un tshirt color scur cu jeans blauw. Investigacio a tuma luga y parce cu e dama den pasado tabata trahando na e hotel. Mas detaye di e dama lo wordo suministra na polis. Keho a wordo tuma pa mas investigacion.