Ex diplomatico di Vaticano aresta pa posesion di pornografia infantil

0

CIUDAD DI VATICANO, Vaticano- Un pastoor Catolico cu tabata traha como diplomatico na e Embahadad di Vatiano na Washington, ta deteni pa posesion y intercambio di un “cantidad grandi” di pornografia infantil. E noticia aki a wordo confirma pa e Servizio Informazione Religiosa. E pastoor lo a comete e delitonan aki tanto na Merca como na Canada, Reuters a subraya.
E ex conshero di Vaticano na Washington, Carlo Alberto Capella, a wordo aresta door di su Ministerio Publico di Vaticano dia 7 di april ultimo. Capella a wordo destitui di su cargo na augustus 2017.
E prome audiencia di e huicio ta programa pa diabierna 22 di juni. Mientras tanto, Capella ta keda deteni den e warda di polis di Vaticano.
E investigacionnan di e caso a wordo haci na Merca, Canada y Vaticano. Según polis di Windsor, na Ontario, Canada, Capella presuntamente a baha pornografia infantil di un red social, mientras e tabata bishita un luga di culto durante Pasco 2016.
Den su calidad di sacerdote di rango halto di e cuerpo diplomatico di Vaticano, Capella a traha den e seccion di relacionnan cu estadonan di e Secretariado di Vaticano prome cu el a bira consehero na e embahada di Vaticano na Washington.

Fuente: Actualidad RT

Comments

comments