LEUDAL, Hulanda – Polis a detene diaranson mainta, un ex ambtenaar di e gemeende Helmond pa falsificacion y malversacion. Tambe su casa, secretaria di gemeente di e gemeente Leudal, na Limburg, tambe a wordo deteni. E ta wordo sospecha di labamento di placa. Ministerio Publico a divulga esaki.
Helmond a duna keho na final di aña pasa contra e ambtenaar, cu tabata tin varios funcion halto den e gemeentehuis. E homber a wordo kita di inmediato. Segun sospecho, Pieter H., 55, sigur lo a malversa 20 mil euro, pero parce cu e suma ta hopi mas halto. E proceder precies di e fraude ainda ta wordo investiga.
Siman pasa polis a haci investigacion den e cas di e pareha na Echt. Tambe un kasteel na Roosteren a wordo ristra. E kasteel ta propiedad di Pieter H. y a wordo converti den un restaurant. A pone beslag riba e administratie, computer, auto, bicicleta, articulonan domestico y aparatonan di audio. Entre otro a wordo investiga si e articulonan a wordo adkiri cu placa malversa.
Gemeente Leudal no kier a reacciona te asina leu riba e cuestion rond di e secretaria di gemeente, Diana N. “Gemeente no ta duna nota riba empleadonan individual,” Segun gemeente a laga sa den un declaracion cortico siman pasa.
Fuente: Telegraaf.nl