Michael Cohen, ex abogado dI e presidente Mericano, Donald Trump, a declara su mes culpabel diamars, incluyendo cinco acusacion pa evasion fiscal. Tambe dos pa violacion di leynan di financiamento electoral.
Ora cu e hues federal di Manhattan a haci Cohen pregunta, el a admiti di a paga 130 mil y 150 mil dollar na dos muhe cu a afirma di tabata tin un aventura cu Trump, a cambio di su silencio. Intencion di esaki tabata pa “influi den e eleccion” presidencial di 2016, AFP a señala.
Un rato prome, un hurado a declara Paul Manafort, e ex hefe di campaña di Donald Trump, culpabel di varios cargo. Si e wordo condena e lo por pasa resto di su bida den prizon.