Sr. Jeremy Maduro di Space and Nature Foundation diasabra lo tin un evento den Parke Nacional Arikok, unda nan lo focus ariba planeta Marte.
Miembronan di Space and Nature Foundation lo tin telescope disponibel pa e publico en general pa nan wak e.o. Marte, Jupiter, Saturno. Nan ta invita tur otro hende cu tin un telescope, cu nan por trece nan telescope pa intercambia nan experiencia cu otor.
Mientras tanto, cu e publico ta warda den rij pa fia telescope, miembronan di Space and Nature lo pasa videonan educativo. Ta trata di videonan di planeta Marte, dus noticianan relevante tocante Marte, e.o cu a descubri awa ariba e planeta aki.
Lo bay tin un photobooth, unda cu e publico por saca potret pa solamente 10 florin como un recuerdo. Lo bay tin popcorn tambe disponibel. E evento ta gratis pa tur hende. Ta pidi pa tur hende trece nan mesun stoelnan, mesun cosnan di bebe, y pasa un anochi bou di shelonan di Aruba. Ta pidi pueblo pa haci un donacion chikito, y e fondo ta pa nan sigui pa yega na nan metanan, pa promove Ciencia y Astronomia na Aruba.
E evento aki lo cuminsa desde 8 or di anochi, cu e introduccion, kico ta bay pasa y con nan ta bay regla e anochi aki. En berdad, tur hende ta haya chens pa wak. Tin como 5 telescope available. Cada un ta bay ta mirando algo diferente e anochi aki. Y e otronan tur es tempo por sinta y pasa un anochi ameno. E evento ta pa promove Ciencia y Astronomia en general na Aruba.
Con pa yega Parke Nacional? Ta coy Mundo Nobo bay ariba te na e anker bay rechts, direccion Urataka, sigui bay mas patras te ora cu bo yega e Visitor Center di Parke Nacional Arikok.
Space and Nature Foundation a cuminsa masha chikito, dunando lectura na parke. Y despues poco poco e entusiasmo pa astronomia y ciencia a cumisna crece cual tabata nan doel, pa haci’e algo cu ta biba den hubentud y pueblo en general.
Pa logra cumpli cu nan meta y nan plannan, nan ta haci e evento di diasabra. E ekiponan ta ekiponan grandi y ta caro. E fundacion mes no tin niun ekipo, e ekiponan ta di e miembronan mes, personal. Y nan ta fia fundacion esakinan pa haci e eventonan posibel.