Lider di MEP Evelyn Wever-Croes a pidi atencion di docente y directivanan di scol. Parlamento ta tratando e ley “functiehuis onderwijspersoneel” cu ta trece cambionan grandi den e structura di salario di docentenan na Aruba.
“Nos a cuminsa trata e ley aki den nos “think tank” y nos a realisa cu hopi docente no sa nada di e ley aki. Mirando su embergadura, mi ta haci un invitacion na docente, directivanan di scol y sindicato di maestro pa duna feedback na Parlamento.
Nos fraccion kier sa si e ley aki ta brinda e base pa un miho calidad di enseñansa y pa mas sosten pa docentenan.
Sin e “input” di docentenan nos no por pasa e ley aki.
Nos ta spera cu specialmente e sindicato di maestronan SIMAR informa Parlamento kico nan posicion ta den esaki”, lider di MEP a finalisa bisando.