Lider di MEP, Evelyn Wever-Croes, a comenta cu awe a reuni cu CAFT, y sinceramente tin mas motibo pa preocupacion. Wever-Croes no por bay den contenido di e reunion, lo menciona solamente algun conclusion cu Caft a publica den su ultimo rapport riba Jan-Juni 2016:
– MEGA DEBE e aña aki ta subi te na 83% di GDP (fin di 2015 e tabata 82%, pues e ta sigui subi)
– Na interes riba e MEGADEBE pueblo ta paga Afl 209 miyon florin, 16% di tur e gastonan di Gobierno (na 2015 e tbt 15%)
– Pa loke ta e PPP Caft ta URGI Gobierno pone un norm, maske ta esun mas halto pasobra tur pais cu tin PPP tin un norm di 1.5 pa 2% di gastonan. Hulanda su norm ta mas abou. Gobierno di Mike Eman ainda no kier bin cu un norm
– Apesar di e medida di Bazv ainda AZV tin un tekort di 16 miyon
– Gobierno no a baha su gastonan di personal, manera el a indica
– Pa loke ta e deal cu Citgo, Caft a a felicita Parlamento pa pasa e ley y a expresa e mesun preocupacionnan cu MEP a expresa: un risico analyse di e entradanan di e refineria pa pais Aruba, e riesgonan di garantianan pa pais Aruba y “what if”, kico lo pasa si e pipa di gas no keda cla, si e garantianan wordo geclaim, etc. CAFT a exigi tambe un MER rapport di e refineria pa sa e impacto riba medio ambiente. Gobierno a nenga di contesta, pero mester contesta Caft si. Esaki ta motibonan pa preocupa. Gobierno no ta haciendo suficiente pa mehora finansas publico, segun e lider di e partido geel a indica!