Pa diferente gremio y hende e daño haci pa e oilspill ta mustra di lo tuma mas dia cu loke a ser bisa. Sr. Rino Hermans di Bureau Rampenbestrijding Aruba ta splica cu lo tin cu warda mas dia pa por tin un miho bista di cuanto dia mas esaki lo dura.
E salida na momento cu e ekipo operacional a wordo activa, e prome plan di accion, tabata pa e prome 7 dianan. Esey tabata basa ariba informacion ricibi for di Los Roques, y Bonaire tambe tabata experenciando e tartballsnan. Pero ora a yega 7 dia, e cantidad cu tabata subiendo tera, no tabata cos cu ta bisa pa laga para. E ora a sigui cu stap 2, cual ta e herstelfase, cu ta bira 6 siman. Dus te cu 20 di Juli lo por duna un bista completo.
Departamento di Calamidad a basa nan mes ariba informacion cu nan a haya na e momento ey, di kico tabata e impacto. Ora cu nan a experencia nan mesun impacto, nan a dicidi di bay 6 siman mas, keda monitor y haci limpi. Cu e cantidad cu ta subiendo no ta mescos cu e prome dianan, esey no kiermen cu nan no ta subiendo. Nan lo keda monitor y haci limpi.
E ayudo tabata na momento cu tabata tin un :loop” dne e stroom cu tabata menasa Palm Beach y Eagle Beach, e sector hotelero, cu e tartballsnan lo subi y cu e impacto lo ta asina grandi ariba nos pilar economico, a bati alarma y pidi ayudo internacional, cu mas experencia.
Pero ora cu e ayudo a yega, nan a afirma cu e maneho cu Departamento di Calamidad a eherce durante e prome dianan, tabata esun adecua. Nan a bin cu un boto, unda cu si e tartballsnan a sigui menasa Palm Beach y Eagle Beach, nan lo a tira boom pa asina proteha e beachnan blanconan. Esey tabata e plan di accion, pesey nan a yega Aruba y a aproba e plan di maneho di Departamento di Calamidad y a traha recomendacion di esunnan ariba baranca, mirando e peliger pa e ser humano, cu e ola, loke nan ta yama e energia na e costa noord, ta pone bida di hende na peliger, pa un oil patch di 1 meter. Recomendacion ta pa laga naturalesa mes haci su trabao.
Nos beachnan parti noort di Aruba esakinan ta haya atencion of lo laga naturalesa mes tuma accion di esaki despues di tempo. E boeinan a bin duna asistencia pa proteha e sector zuid cu west. Esunnan pariba, Departamento di Calamidad lo sigui mantene e mesun plan di accion, dus di haci limpi. Awo ta duna Parke e oportunidad pa trece tur e boluntarionan pa sigui haci limpi.
Operacionalmente, Parke su beachnan y Natural Pool ta cera. Esey ta Directie Natuur lo traha su rapport y esey ta wordo monitorea dos biaha pa siman, pa asina evalua con e ta pa e Medio Ambiente, pa asina e bira operacional un biaha mas.
E bocanan si ta keda wordo haci limpi te cu 20 di Juli, unda cu por tuma un decision si ta te aki e Operacion Petro30 lo keda. Pero te cu e fecha aki, e beach y e bocanan lo keda hacinan limpi. Pero e bocanan lo laga naturalesa haci su trabao, segun recomendacionnan.
Pa traha cu kimico, e kimico ta zuig traha un bala, mand’e fondo di lama. Pero esaki a weather out caba, e tin un paar di siman caba. Dus un kimico no lo haci mucho. Al contrario, lo por haci mas daño, cu bon. Mester wak kico ta mas conviniente, y esaki ta di laga naturalesa mes haci su trabao, segun Sr. Rino Hermans, di Departamento di Calamidad.