OKLAHOMA CITY, Oklahoma – Un teremoto fuerte a sacudi diadomingo anochi e centro di Oklahoma, causando daño na edificio y provocando evacuacion di e residentenan di e zona.
Servicio Geologico di Oklahoma a registra un sismo di magnitud 5.0 cerca di Cushing, mas of menos 50 miya zuidwest di Tulsa.
Servicio Geologico di Merca a situa orignalmente e magnitud na 5.3 di e teremoto, prome cu a degrad’e liheramente.
Te awor aki, no a reporta herido. Pero a evacua por lo menos un compleho residencial, segun vocero di e Departamento di Maneho di Emergencia di Oklahoma, Keli Cain. Na e residentenan a proporciona un refugio den un gimnasio na Cushing.
Algun residente a keda sin coriente durante dos ora, segun KWTV afilia na CNN.
Operadornan di e ductonan di petroleo tampoco a reporta problema, ni e inspectornan a haya ningun daño inmediato na brug of otro infrastructuranan.
Funcionarionan di Scolnan Publico di Cushing a cancela scol pa e dialuna aki, pa evalua e daño potencial causa pa e teremoto na nan edificionan.
Fuente: CNN en Español