BELGICA – Asina un resolucion aproba awe (cu 396 voto na fabor, 123 en contra y 85 abstencion) a wordo recogi, cu Union Europeo a reclama un legislacion adapta pa un futuro caminda cu inteligencia artificial lo tin un papel protagonista y cu lo invita e Comision Europeo na prepara un propuesta cu ta dedica un atencion special na e aspectonan etico di e robotica.
Te awor aki Unin Europeo solamente ta conta cu cierto normanan orienta na e standarisacion di patronnan industrial unda cu robotica ta wordo emplea, pero ta falta e leynan cu ta regula e interaccion social entre sernan humano y automatanan.
E eurodiputadonan no kier pone obstaculonan na un tecnologia cu amplio potencial, pero ta exigi cu su vertiginoso desaroyo bay cubri pa un marco normativo cu ta preocupa pa “e siguridad, e privadidad, e integridad, e dignidad, e autonomia y e propiedad di e datonan,” e texto ta señala, cu no tin caracter vinculante.
Mas leu cu e vehiculonan sin chauffeur, pa esnan cu ta propone un seguro obligatorio y un fondo suplementario pa garantisa di compensacion na e victimanan di accidente, ta spera cu e impacto di inteligencia artificial nota den dispositivonan manera drone, robotnan industrial, pa e cuidado di personanan, coy hunga entre otro.
E resolucion di 22 pagina – caminda cu solamente ta menciona un biaha e palabra “militar”, pa incluiy’e entre e uzonan acepta di robotica – ta sugeri cu ta kere cu un agencia Europeo di robotica cu ta ofrece asesoramento tecnico y etico na autoridadnan y cu ta elabora “un Codigo di “Conducta” paralel na e legislacion.
E eurodiputadonan ta plantea tambe e creacion a largo plazo di un ‘status huridico specifico” di “persona electronico” cu “derecho y obligacionnan” cu ta aplica al menos na robotnan mas sofistica.
Fuente: El Universal