Eugene A. Cernan, e ultimo astronauta cu a laga su marca riba e superficie di luna, a fayece, segun NASA a bisa dialuna.
E capitan Naval di Merca retira tabata tin 82 aña. Su famia a confirma e noticia den un declaracion dialuna, a bisa cu el a fayece “door di factornan di salud.”
“Nos famia ta kibra naturalmente, y nos ta aprecia tur hende nan pensamento y nan oracion. Gene, manera cu e ta conoci pa hopi, tabata un tata, casa, welo, ruman y amigo cariñoso,” su famia a bisa.
E morto di Cernan a tuma luga un tiki mas di un luna despues cu su colega astronauta, John Glenn, a fayece na December. Te cu su morto, e tabata hopi pasiona riba exploracion espacial y ta spera cu lidernan di Merca no laga pa e keda e ultimo hende cu a cana riba luna, su famia a bisa.
Den su ultimo conversacion cu e Administrador di NASA, Charles Bolden, Cernan a papia di su “deseo ferviente” pa inspira e hubentud di Merca pa studia ciencia, tecnologia, ingenieria y matematica y “pa durf di soña y explora,” NASA a bisa.
“E pisadanan di Gene a keda riba luna y su logronan a keda impregna den nos curason y recuerdonan,” Bolden a bisa.
Fuente: CNN