Estado Islamico ta ofrece 4000 dollar di recompensa pa cada solda Mericano morto

0
RBC Juli 2018
Funmiles-2018

EL CAIRO, Egipto – E grupo terorista Estado Islamico (EI) a ofrece su combatientenan un recompensa di 20 dinar di oro ($4000) pa cada solda Mericano cu nan logra mata den e provincia Sirio di Al Raqa, e Observatorio Sirio di Derechonan Humano a informa dialuna.
E recompensa ta extensivo na otro soldanan ‘stranhero” cu ta forma parti di e filanan di e Forsa Sirio Democratico (FSD), aliansa arma encabesa pa Kurdonan Sirio, cu tin e apoyo di Merca y ta combati contra e Yihadistanan nort di Siria.
E anuncio di EI a tuma luga despues cu e teroristanan perde e localidad strategico di Al karama, situa 17 kilometer oost di e ciudad di Al Raqa, bastion di EI na Siria, segun e Observatorio.
FSD a lansa dia 6 di November ultimo e operacion “Ira di Eufrates” pa aisla Al Raqa y expulsa EI for di nort di e pais.
E milicianan aki a avansa cu apoyo di aviacion di e coalicion internacional y a alcansa nort di e dam di riu Eufrates, west di Al Raqa.
Recientemente, Merca a anuncia e mandamento di un contingente di 400 solda cu lo suma na e 500 miembronan di e Forsanan Special cu ya tabata opera na Siria pa reforsa e ofensiva di Al Raqa.
Fuente: El Nuevo Herald

Comments

comments

C: Heineken
new india
dvg