NEW YORK, Merca- Un homber a publica un selfie cu e bandera di e grupo terorista Isis den pleno curason di New York. E imagen tabata compaña pa un frase menasante “Nos ta den bo cas”, segun e corant Daily Mail.
Riba e potret, tuma riba e emblematico Fifth Avenue dilanti di e Metropolitan Museum of Art, por wak e presunto siguido di e grupo yihadista cu e cara tapa pa un bandera preto cu e inscripcionnan caracteristico di Isis.E imagen, cu a circula durante e ultimo horanan, a wordo publica pa e yihadistanan riba e red social Telegram. E imagen inkietante aki ta sigui pa un divulgacion di un serie di menasa di un serie di atentado, cual lo wordo perpetra door di e yihadistanan.
Riba un di e postcardnan, proporciona na Daily Mail door di e grupo di monitoreo MEMRI, cu a afirma cu e no por verifica su autencidad, ta aparece e imagen di un terorista cu cuchiu den man y un inscripcion bisando: “Ta mas barata cu un zaag di coriente”. Riba e imagen ta figura tambe un escena horibel di un rehennan den un misa cu un Papa Noel na rudia dilanti un terorista cu tin un pistol na su cabes.
Dia 11 di December tabata tin un explosion den un gang subteraneo cu ta conecta e metro di Times Square cu e terminal di bus na Manhattan. Polis a detene e responsabel di e explosion y el a keda identifica como Akayed Ullah, procedente di Bangladesh. E homber, di 27 aña, tabata tin un bom casero pega na su curpa cu a explota, lagando un saldo di cuater persona herida, entre nan e atacante cu ta esun cu a sufri heridanan mas grave.
Fuente: https://actualidad.rt.com