CHICAGO, Merca – E fiscal general di Illinois ta hiba Trump International Hotel & Tower di Chicago pa supuestamente a kibra leynan ambiental.
E demanda di Lisa Madigan ta reclama cu e propiedad di ta saca miyones di galonnan di awa pa despues laga esaki bay, for e riu di Chicago, sin e permisonan necesario.
Mas ainda, e propiedad no a studia e efectonan di esaki ariba e poblacion di pisca manera ley ta prescribi.
Un vocero di Trump Organisation a bisa cu e demanda tabata politico.
Vocero di Trump Organisation, Janet Isabelli a bisa cu e tabata “desapunta” cu Sra. Madison a entrega e demanda, “considerando cu esaki normalmente ta wordo trata na nivel di administracion”.
“No ta keda nos niun otro opcion di kere cu e decision ta wordo motiva pa motibonan politico”.
Fisca General di Illinois, Lisa Madigan a entrega e denuncia den e Cook County Circuit Court diamars ultimo.
Madigan ta miembro di e partido Democraat y ta Fiscal General desde 2003.
Den su demanda, Madigan ta bisa cu e hotel ta saca casi 20 miyon gallon di awa (75ml) pa dia pa su sistema di airco y di ventilacion.
Animalnan por keda pega ora cu e awa wordo saca, e demanda ta bisa. Ley federal ta rekeri estudionan di e impacto ariba e populacion di pisca na Chicago.
Mientras cu e dos yiu hombernan di Trump ta na cabes di e organisacion desde cu el a wordo eligi presidente di Merca, Trump ainda tin tur su accionnan den e Trump Organisation.