Esha Alwani ta aparece di ta un hoben normal di 14 aña, pero e ta un cantante/escritor di letra talentoso tambe. Esha su pasion pa musica a hib’e pa Music City, Merca. Of miho dicho, Music City a hiba Esha pa Nashville.
Esha su aventura di su isla natal di Aruba pa Nashville a cuminsa menos cu un aña pasa ora su mayornan, Kamlesh y Reyana Alwani, a dicidi di yud’e cumpli cu su soño di graba un disco.
Despues di a tuma contacto cu un productor di musica experiencia y basa na Nashville-based, Kim Copeland, plannan a cuminsa drenta den accion rapidamente pa graba su prome EP di musica original.
Ya cu Esha ta skirbiendo canticanan original desde e edad di seis aña, e tabatin hopi material pa traha cun’e. E resultado tabata e lansamento di su EP na Juni, titula “Beautiful.”
Rapidamente creando un fanaticada fuerte cu su varios presentacionnan y e debuto di su website, www.EshaNow.com, plannan a cuminsa di biaha pa su prome video di musica, “Nan a bisa mi cu ta inusual pa lansa un video di musica asina trempan despues di un prome EP, pero mi ekipo di maneho a dicidi di haci e proceso mas rapido,” el a bisa. “Mi tabata asina contento di por tin e oportunidad pa haci e grabacion aki, specialmente ya cu mi famia y amigonan tabata encurashando mi pa haci esaki.”
Esha, hunto cu su ekipo di maneho, inmediatamente a cuminsa bini cu ideanan y a selecta e cantica perfecto pa su prome video. “Nos tabatin varios sesion di brainstorming pa purba dicidi e cantica corecto,” el a bisa. “E tabata un decision dificil, pero finalmente nos a scoge mi cantica, ‘Yesterday.’” Unabes cu e cantica a wordo selecta, e trabou duro di crea un tratamento y pre-produccion di e video a cuminsa.
Trahando cu su producernan di Copeland Tucker Group y conseheronan di media di SpinWeezle Media Group, PushFocus Productions a wordo selecta pa graba e video di musica. Director Matt Lawrence a crea un representacion cinematico poderoso y interesante di su cantica, cual lo ta obtenible pronto. Su prome debuto, ‘Beautiful,’ ya caba ta obtenible pa cumpra riba iTunes, Google Play, Amazon, CD Baby, y por wordo hunga via Spotify tambe.