E logo di shoco ya no ta den sala mas di parlamento pasobra despues cu a hasi un estudio a bin saca afo cu e parlamento mester uza escudo di su pais y e logo ta bira un simbolo pa parlamento di Aruba segun presidente Sr. Juan ‘Ady’ Thijsen.
E decision a wordo tuma prome cu Sr. Thijsen a bira presidente di Parlamento y esaki a bay via un Comision Central. A keda dicidi cu e escudo ta bay bek den Sala, y cu e shoco ta keda ariba e letterhead y e logo ariba e portanan di Parlamento.
TIn un diferencia entre escudo y logo. Bo escudo no ta bo logo. E logo ta pone cu nan ta reconocebo, cu esey ta e logo di parlamento di Aruba. Pakico nan a pone escudo bek? Segun Sr. Thijsen, ta pa motibo cu nan a bay haci un investigacion con den e otro paisnan, e parlamento kico nan tin. Mayoria di nan, tin e escudo. Tin di nan tin tur dos. Pero mayoria tin e escudo. Y a base di esey a dicidi di bin bek cu e escudo, ya cu esey ta e mayoria a kies.
Tin diferencia di opinion, cual ta algo sano. Tempo cu MEP Tabata den oposicion, e partido den gobierno tabata kier e logo. Pero awo cu mayoria a cambia, e mayoria a kies pa e escudo. Esey ta democracia, segun Sr. Juan “Ady” Thijsen, presidente di Parlamento.