Diasabra, dia 17 di December Van Dorp lo conta cu presencia di escritor renombra Quito Nicolaas na Van Dorp, Dakota. Quito lo tey pa autografia su buki nobo ‘Met open ogen’ for di 11or di mainta te cu 1or di merdia. Van Dorp staff y personal ta extende invitacion na henter pueblo di Aruba y specialmente na tur cu conoce trayectoria literario di Quito Nicolaas.
Quito Nicolaas ta un observador critico di tur desaroyo den cultura riba islanan di Caribe y na Europa. Durante periodo di 2007 pa 2012, el a skirbi cada dos siman un columna critico pa e revista digital e-zine Caribe over di cultura, literatura y politica.
Den pasado, el a eherce funcion di critico pa e revista “Contraste” (2001-2004) y pa “Literair Nederland’ (2004-2006). Tambe el a jega di skirbi hopi articulo over di literatura pa corantnan local na Aruba y pa Ñapa; e anexo literario di Amigoe.
Nicolaas ta famoso pa su “essays”, cu a wordo publica den diferente “conferentiebundels” riba nivel internacional. Na Juni 2016, su obra a wordo inclui den “The Dictionary of Caribbean and Afro-Latin American Biography di Oxford University.”
De Wit & Van Dorp Stores ta un compania local cu ya ta forma parti di comunidad di Aruba pa mas di 65 aña. Bishita nos pagina di Facebook: Dewit Vandorp.