NEW YORK CITY, New York – E magnitud di e escandalo riba cuentanan falso na Wells Fargo, a crece pronunciadamente diahuebs, ora cu e banco a informa cu su empleadonan a habri potencialmente sin permiso di e clientenan un total di 3.5 miyon di cuenta, entre 2009 y 2016. Esey ta un aumento abrupto cu respecto na e 2,1 miyon cu e banco a menciona un aña pasa.
Na September di 2016, e banco a reconoce cu e empleadonan a presiona pa cumpli cu cuotanan di benta, lo a habri cuenta cu e clientenan ni sikiera tabata sa cu tabata existi.
Diahuebs, Wells Fargo a reconoce cu a descubri aproximadamente mey miyon di cuenta mas, cu no a wordo detecta den e prome revision entre 2011 y 2015.
Despues cu e institucion financiero a reconoce e faya aña pasa, a surgi indicionan cu e practicanan indebido a remonta incluso mas prome. Por lo tanto, Wells Fargo a contrata un firma consultora externo pa analisa 165 miyon di cuenta habri entre 2009 y 2016.
Fuente: www.ap.org