Noruega, Suecia, Suisa, Dinamarca, Singaporte, Zuid Korea, Reino Uni, Hong Kong y Merca ta entre e elite di e economia digital, ya cu tur di nan ta caracterisa pa nivelnan halto di desaroyo digital y un ritmo halto di evolucion digital.
Asina ta wordo poni di manifiesto e ultimo informe respecto di Mastercard y The Fletcher School di Tufts University. Di su parti, Spaña ta figura den e parti medio di e tabla, ocupando e di 25 luga entre e 60 paisnan cual a analisa nan infrastructuranan digital, su demanda tecnologico, e entorno institucional (politicanan gubernamental, ley y recursonan) y su inversion den I+D y start-ups.
E autornan di e estudio ta resalta, ademas cu Singapore, Reino Uni, New Zealand, Emiratonan Arabe, Estonia, Hong Kong, Hapon y Israel, ta demostra nivelnan halto di desaroyo digital mientras cu nan ta sigui lidera e innovacion y crecemento nobo. Di su parti, hopi pais desaroya manera Europa Occidental, e paisnan Nordico, Australia y Zuid Korea, tabata tin un fuerte crecemento pero su ritmo ta parando. “Sin un mayor innovacion nan ta den peliger di keda atras,” nan ta alerta.
Riba otro nivel di desaroyo, nos ta haya un otro grupo di pais cu, aunke ainta nan tin nivelnan abao di avance digital, ta demostra un ritmo mas acelera y ta cla pa e crecemento y ta atractivo pa inversionistanan. China, Kenia, Rusia, India, Malasia, Filipinas, Indonesia, Brasil, Colombia, Chile y Mexico, ta demostra e potencial enorme aki.
Den e parti mas abao di e lista, nos ta haya paisnan manera Zuid Africa, Peru, Egipto, Grecia y Pakistan, cualnan ta enfrenta un reto importante, afecta tanto pa e nivelnan abao di avancenan digital como un ritmo abao di crecemento.
Fuente: http://www.elmundo.es