CIUDAD DI VATICANO, Vaticano – Papa Francisco a reacciona cu tristesa ora cu el a conoce e historia di amor entre Federica y aIsabel, dos religioso cu a casa recientemente na Italia, despues cu nan a retira.
“Cuanto tristesa riba e cara di Papa ora cu el a lesa noticia di e dos “religiosonan” casa!”, el a afirma dialuna den un tweet e substituto di e Secretaria di Estado di e Santa Sede, Angelo Becciu.
Ta referi na e historia di Federica y Isabel, dos religioso cu a dicidi pa retira y casa, atendiendo e reciente ley cu ta permiti na Italia unionnan civil entre personanan di e mesun sexo, aproba Mei ultimo.
E dos muhenan aki, uno Italiano y otro proveniente di Sur America, tin 44 y 40 aña y a casa dia 28 di September den e municipio di Pinerolo, medionan local a informa.
Corant “La Republica” a publica diabierna un entrevista cu e pareha caminda cu nan a señala cu nan amor a surgi durante un mision na Guinea Bissau, “trahando man den man na fabor di e pobernan” manera cu nan tabata haciendo desde cu nan a wordo ordena 20 aña pasa.
E dosnan a sigura cu nan a rechasa “un conseho cu ta wordo scucha den mundo di e conventonan, caminda nan a biba hunto como ruman: “basta cu no bisa nada y no provoca escandalo,” si ta bon nan a considera e manera aki di actua como “un manera comodo y falso.”
“Tin hopi caso manera esaki: sacerdote y religiosonan cu ta biba clandestinamente nan relacionnan cu hende homber y hende muhe. Pero den Evangelio, Hesus ta condena hipocrecia, no na homosexual. Y pesey nos a dicidi laga e bida religioso y emprende un caminda di libertad, fe y serenidad, sin escandalo,” nan ta corda.
Nan a afirma tambe cu esun di nan tabata “un eleccion dificil pero no infeliz”, aunke nan a confesa cierto temor pa loke ta bida pafo di e murayanan di convento,
“Lagando e habito religioso ta nifica haya otro di un dia pa otro den e condicion cu nan no sa con pa hunta cuminda y come, haya un trabao, sin ayudo ni salario. Esun cu sali di e convento, en bes di wordo yuda na reinserta den sociedad, ta wordo bandona,” nan a bisa na e medio.
Den e entrevista, e religiosonan ta evita e respuesta cu papa Francisco sa duna ora cu a puntr’e riba e tema di homosexualnan: “Ken ta ami pa husga?”
“Papa a bisa “ken mi ta pa husga? Ningun hende tin cu husga. E frase ey a habri nos curason,” e exreligiosonan a señala, kendenan a invita tur esnan cu ta haya nan mes den nan mesun situacion dentro di iglesia pa “no tin miedo.”
E corant Turines “La Stampa” a informa di nan parti cu nan “union civil” a wordo presidi pa alcalde di Pinerolo y cu e acto aki a tuma luga den un “funcion religioso” organisa pa Franco Barbero, expulsa di sacerdocio na 2003 pa Juan Pablo II door di bendiciona parehanan homosexual.
Fuente: NTN24