TOKIO, Japon- E erupcion di e volcan Kusatsu-Shirane, situa na e zona noordoost di Tokio, a laga por lo menos 15 persona herida den un compleho di skie popular. Esaki segun informenan di Kyodo News.
E volcan cu a drenta den erupcion diamars pa 9 or y 59, hora local. Al menos 4 persona a keda pega door di un avalancha di sneeuw provoca pa e erupcion, di cual 3 a wordo rescata caba.
E Agencia Meteorologico di Japon a emiti un alerta volcanico di nivel 3 (di 5) y a recomenda e personanan pa no yega cerca di e volcan. Tambe el a adverti di e peliger di caida di piedranan volcanico den e zona, segun NHK.