BILBAO, Spaña- LaLiga a solicita pa tene un minuut di silencio den tur e partidonan cu lo wordo hunga e fin di siman aki. Esaki na memoria di e ertzaina (polis autonomo Vasco) cu a fayece diahuebs anochi, den incidentenan di violencia prome cu e partido entre Athletic-Spartak diMoscu di e Liga Europa. El a reitera su “mas contundente condena contra violencia” hunto cu su compromiso di “sigui traha pa eradica violencia for di futbol”.
“Futbol profesional kier expresa su condolencia na e famia y amigonan di e ertzaina fayeci diahuebs anochi prome cu e partido di Europe League, como tambe condena e dureza di e acto di violencia”, segun un comunicado.
E organismo presidi pa Javier Tebas a afirma cu tanto LaLiga, como su clubnan y SAD “ta lamenta e sucedido y lo sigui lucha contra di violencia den futbol” y ta sigura cu e lo mantene e “apoyo na e Cuerpo y Forsanan di Siguridad di Estado pa eradica e violencia cu tanto daña ta haci na e balornan di e deporte”.
Durante e actonan di violencia, nuebe persona a wordo deteni, LaLiga a pidi pa warda un minuut di silencio den e partidonan di e jornada 25 di LaLiga Santander y jornada 28 di LaLiga 11213 na memoria di e agente cu a fayece door di un ataca di curason durante e enfrentamentonan rodn di e stadion di San Mamés.
Fuente: https://www.efe.com