ANKARA, Turkia- E Conseho Electoral Supremo di Turkia a divulga e resultadonan oficial di e eleccionnan presidencial y parlamentario di e pais. E actual presidente, Recep Tayyip Erdogan, ta resulta ganado di e eleccionnan aki, e agencia Anadolu ta informa y asina ta logra su obhetivo di asumi e total control di e poder ehecutivo di e pais.
Segun e entidad, e reeleccion di e rpome ronda ta bin despues di un reconteo di 97,7% di e votonan. E director di Conseho, Sadi Guven, a afirma cu Erdogan a obtene mayoria absoluto di e votonan, mientras cu e corant Yeni Safak ta informa cu Erdogan a haya 52,4 % di e votonan, mientras cu su rival mas cerca, Muharrem Ince a logra 30,8 % di e votonan.
Erdogan a anuncia su victoria electoral diadomingo prome cu e final di conteo di votonan. segun informenan.
“Mi ta spera cu niun hende durf di duda di e sistema electoral di Turkia y di e resultadonan di e votacion”, Erdogan a bisa. Di otro banda, Ince, di e Partido Popular Republicano Turco a admiti su derota.
Fuente: La Vanguardia