SANTIAGO, Chile- E enviadonan special di papa Fransisco na Chile diamars a finalisa nan misiion pastoral den e pais cu e compromiso di investiga e denuncianan di abusonan sexual cometi pa miembronan di e clero. Nan a cuminsa cu’n proceso di reconciliacion y reparacion di e victimanan.
“Tabata un experencia bunita pa comparti cu varios comunidad yen di homber y muhenan, cu aunke nan ta herida, a habri nan curason y ta dispuesto na dialoga, pa cuminsa un caminda di reconciliacion”, e arzobispo di Malta, Charles Scicluna, a bisa den un conferencia di prensa na Santiago.