Bo ta corda di Menuda? Awel, preparabo, pasobra a keda anuncia caba cu nan lo traha un serie cu lo conta e historia di e grupo aki. E responsabelnan ya caba ta eligiendo e actornan. “Subete a mi moto (un di nan hitnan) lo ta consisti di 15 capitulo, di un hora cada uno, según Jose Antonio Espinal, director di Somos TV, cu ta un di e companianan productor.
E prome temporada di e serie lo ta concentra riba e origen di e banda y su repentino ascenso na fama. E grupo a marca e panorama musical Latino y a lansa careranan exitoso di Ricky Martin y Draco Rosa, e.o.
Pa Luis Villanueva, presidente y director ehecutivo di Somos Productions, e grupo aki ta un di e “fenomenonan” musical cu a comberti den centronan conoci pa su impacto tanto den nan canticanan como den nan presencia escenica y nan experencia personal. “Menudo ta un di nan. Su historia, según e creador di e banda, ta garantisa e emocion y atractivo di cada un di e episodionan di e serie”, el a agrega.
E banda Portoriqueño tabata forma inicialmente pa e rumannan Fernando y Nefty Sallaberry Valls, hunto cu e rumannan Carlos, Óscar y Ricky Meléndez, kendenan a lansa nan prome album na 1977.
Depues, na 1984 Ricky Martin a join e grupo, caminda cu el a keda te cu 1989, epoca cu el a coincidi cu Draco Rosa .
E grupo aki a alcansa exito mundial, specialmente durante e decada di 1980, birando e prome grupo musical di adolescente Latinoamericnao “mas popular di e epoca”. Pero su fama a cuminsa baha y na 2009 e banda a keda disolve. Un total di 39 cantante diferente a forma parti di e banda.
Entre nan canticanan mas conoci ta inclui “Quiero ser”, “Súbete a mi moto”, “Rock en la TV”, “Claridad” y “Mi banda toca rock”, cual ta temanan cu a yega na e puesto di mas halto di billboardnan rond mundo.
Fuente: https://www.infobae.com
Fuente: https://www.efe.com