Entrega di Premio Excelencia den Deporte a tuma luga diasabra ultimo

0
RBC Juli 2018
Funmiles-2018

Diasabra anochi den Marriott Ballroom a tuma luga e magno evento di Premio Excelencia den Deporte. Un anochi di gala caminda diferente atletanan den presencia di Ministernan, parlamentarionan y nan famia a wordo premia pa nan logronan deportivo den aña 2017. Loke a haci e evento special e anochi aki ta e hecho cu esaki ta e di 15 aña cu PED ta tumando luga. Un evento cu su proposito ta pa elogia y motiva tur e atletanan di Aruba. E aña aki PED a conoce un cantidad di 14 federacion cu a manda un total di 84 atleta como nominado pa wordo premia pa nan logronan deportivo den aña 2017. Tambe a premia atletanan di Special Olympics, Paralympics y atletanan di scolnan basico y enseñansa avansa.

Ganadonan
Atleta Femenino te cu 13 aña: Amika Every. Atleta Masculino te cu 13 aña: Christiaan Jansen. Atleta Femenino 14 te cu 18 aña: Chiara Petrocchi. Atleta masculino 14 te cu 18 aña: Daniel Jacobs. Nobato deportivo femenino: MariaJosé Salazar. Nobato deportivo masculino: Edmund Lagmay. Atleta cu a destaca localmente: Linda Smith. Atleta di aña International: Thashaina Seraus.

Special Olympics y Paralympics
Ganadonan di Special Olympics a resulta di ta Mark Gonzales y Rashely Diaz Wester. Ganadora di Paralympics ta Shenely Tromp.

Scol Basico di aña:
Prinses Amalia Basisschool

Deportista di aña scol basico:
Femenino y Masculino:
Zuleima Hermanus (Scol Basico Washington)
Yoswill Pillier (Scol Basico Washington)
Scol di aña di Enseñansa Secundario :
Abraham de Veer School
Deportista di aña Femenino y Masculino:
Gilia Croes (Colegio Oranjestad) y Ricardo Carillo (Colegio Oranjestad)

Durante e anochi aki tambe a duna honor na atletanan cu no a wordo nomina pero cu sigur ta destaca den e mundo deportivo manera Sophia Petrocchi y David Polanco.
Tambe tabata tin Honor al Merito kende nan tabata:
Emeterio Bareño, Toko Tromp, Rufo Kelly, Gerardo Kock y Augustin Bernabela. Pabien na tur e atletanan y tambe na e comision di PED cu a haci e anochi aki uno inolvidabel pa tur invitado.

Comments

comments

C: Heineken
new india
dvg