Willemstad Curacao: Djamars 20 di yüni 2017, alrededor di 6 or di mainta, personal di Divishon di Krímen Organisá a tene un entrada hudisial na un kas den Orchillaweg. E entrada hudisial ta den kuadro di un investigashon penal ku ta andando relashoná ku violashon di e Lei di Opio. Durante di e investigashon na e adrès menshoná, a haña i konfiská entre otro;
Un kantidat chikí di un supstansia paresido na kokaina
dos telefòn selular.
Relashoná ku esaki polis a detené e hòmber:
P.R.S. di 36 aña di edat, nasé na Haiti pa violashon di e Lei di Opio.
A presentá e sospechoso dilanti un fiskal ouksiliar ku a ordená su enkarselamentu pendiente mas investigashon.