WILLEMSTAD, Curaçao- Den cuadro di e investigacion Saffier, hues comisario encarga cu tratamento di casonan penal, a duna ordo pa haci un entrada hudicial na e compania ENNIA Caribe Holding.
E entrada hudicial a tuma luga dia 24 di October. Directiva di ENNIA a duna tur nan cooperacion y lo sigui haci esaki. Ta trata di un caso contra un ex cliente di ENNIA cu ta sospechoso den un caso penal. Mester enfatisa cu ni ENNIA ni un di su empleadonan ta sospechoso den e caso aki.
Pa duracion di e investigacion, ENNIA lo mantene su mes di duna cualkier comentario of declaracion cu tin di haber cu e caso aki.