Despues di a tuma cinco container sospechoso den beslag diabierna na waf di Barcadera y durante ristramento den fin di siman a haya basta droga scondi den hero bieu detencion a cay. Dialuna mainta autoridad a detene e homber Venezolano R.D.R y a tene entrada hudicialnan na Gold Coast. A drenta por lo menos dos cas unda e sospechosonan aki ta kedando pa algun tempo. A tuma varios cos den beslag cu por yuda cu e investigacion. Atardi a drenta un otro cas y a haci detencion di un homber Romulo cu ta ruman di e prome sospechoso. Ta trata di un caso basta grandi mes di droga.