Diabierna atardi recherchenan hunto cu K9 unit a tene entrada hudicial den Koningstraat bou ordo di fiscal esaki ta relaciona cu investigacion andando basta tempo pa cu droga. A detene algun cumprado di droga y un bendedo durante e accion policial aki. A tuma droganan den beslag cu a keda haya den e cas. A topa cu basta persona indocumenta y personal di guarda nos costa a yega pa asina tuma e detenidonan aki over.