E meta principal di e conferencia ta pa enfoca ariba loke ta Practicioner Base Research of Investigacion di Practica. Sr. Gregory Richardson di IPA a splica mas di e congreso cu lo tuma lugar e siman aki
Pa compronde e funcion aki, lo mester bay bek na e institucionann di enseñansa superior, unda pa finalisa un estudio, mester haci un investigacion. Hopi biaha e investigacion ta enfoca ariba e aspecto di practica. Den mundo di enseñansa, studiantenan cu ta caba IPA ta focus ariba e parti di trabao y investigacion. E ta tuma como topico, un area di challenge cu ta pasando den scolnan mes. Studiantenan ta tuma diferente formanan investigativo y aan de hand di e datonan aki, trece solucion.
Sr. Richardson a bisa cu desde cu IPA a wordo acredita, un di e consehonan tabata pa enfoca ariba un tipo di investagacion. Desde e momento ey IPA a cuminsa cu e trayectoria pa enfoca ariba tur manera riba e tipo di investigacion aki. Dus ta duna training na docentenan y studiantenan, cu tur e datonan cu nan ta genera, tin un balor pa comunidad. No solamente pa comunidad, pero pa e docente y e mucha den klas.
Durante e proceso aki tin diferente punto di bista, ariba con ta wak investigacion. Tin diferente forma di investigacion, profesional, tambe tin investigacion cu ta focus hopi ariba e aspecto di benta y tambe aspecto di enseñansa. Pa trece mas claridad ariba e area aki, IPA a haya hopi importante, conhuntamente cu e ministerio di Enseñansa pa trece un dialogo ariba e tipo di investigacion aki, conhuntamente cu otro partnernan di UniCarib, Universidd di Aruba, di IPA y Universidad di Corsou y Hogeschool Rotterdam, pa comparti idea pa wak con e otro institucionnan tambe ta haci un investigacion.
No solamente esaki, pero tambe ta hopi importante cu e tipo di investigacion aki, cu tin como meta pa empodera tambe e docente cu ta para den klas cu no necesariamente e tin cu warda ariba un institucion of un investigado externo pa trece cambio. E mes tin e tools den su man, basa ariba su habilidadnan pa por cuminsa purba diferente cos den klas, basa ariba e tecnica cu e ta siña e por evalua esaki. Y a base di esaki, e por mehora e calidad di su mesun dunamento di les y tambe pa cu e muchanan. Esaki segun Sr. Gregory Richardson, di IPA.