FUKUOKA, Hapon – E buraco di 30 meter di diametro a traga parti di un caya na Fukuoka, zuidoost di Hapon, dia 8 di November.
Autoridadnan di e ciudad a logra yena y drecha e buraco enorme den un solo siman, pero awo, e tereno a bolbe sink.
Fin di siman pasa, Gobierno a corta varios rail di e caya despues cu un seccion di e tereno caminda cu den su momento tabata tin e buraco a sink 7 meter.
Y e alcalde di Fukuoka, Soichiro Takashima, a publica riba su profile di Facebook, un comunicado caminda cu el a pidi disculpa pa e molesternan causa y pa no a splica e bisiñanan cu e hundimento chikito aki a drenta dentro di loke a wordo premira.
E funcionario a splica cu e ingenieronan cu a drecha e buraco ya a spera cu algo asina lo sosode.
Di acuerdo na esakinan, e movimiento di mas reciente di e tereno ta debi na e asentamento natural di e material (un mescla di grijs y santo) uza pa yena e 15 meternan di profundidad di e buraco.
E tabata di spera, segun ingenieronan, kendenan no ta mira mas problema. Ningun hende a resulta herida y e cayanan ya a bolbe habri pa trafico.
Fuente: BBC Mundo