Pa basta aña caba por wak cu e mercado laboral tin su retonan cun’e si mira cu tin ora tin companianan ta yega kita hende di trabou sin cana e caminda legal segun abogado di FTA Sr. Jose Figaroa ta splica.
E enfoke di tur sindicato y tambe di FTA, cu ta dimes derecho di trahado. Pero e enfoke mester ta tambe cu e companianan mes. Tin biaha e compania no ta yega na e punto di termina relacion di trabao cu trahado di un dia pa otro. Esaki ta algo cu ta bin di hopi aña of luna, ora cu compania ta pasa den problemanan financiero of di otro indole.
Ora tin sindicato, tin comunicacion entre sindicato y compania mes. Esaki ta pa evita sorpresanan inevitabel, unda cu e trahado ta hay’e confronta cu e ta perde su trabao, di un dia pa otro. Pero tin cierto articulonan den ley laboral, cu ta protehabo, ya cu’n terminacion no por pasa di un dia pa otro,.pero den caso di companianan cu ta bay failliet of door di motibonan financiero ta cera. Aunke cu ley ta duna cierto proteccion, ya cu kisas e compania no tin e placa pa paga e gastonan, esey ta bira dificil. Pa cesantia tin e caminda via di SvB. Pero cesantia no ta mucho cos di gaba tampoco. Tin casonan cu ta trata cu pagonan di salario atrasa, den cual den caso di cierre financiero ta dificil pa yega un caminda.
Importante ta no solamente e legislacion laboral, pero tambe e contacto cu e sindicato cu e compania pa ta na altura di kico ta pasando y pakico no, pa pensa tambe pa duna un ayudo den posibel formanan pa evita e tipo di cosnan aki pa pasa.
Di parti di FTA, a yega di sosode unda companianan dor di situacion dificil cu nan ta pasa aden, na cierto momento pa mantene trahado na trabao a hasta entrega cierto beneficio temporalmente, pa duna e compania un chance pa coy forsa.
Tin hopi cosnan cu a trahadonan mester tene cuenta cun’e cu ora bo ta miembro di un sindicato pa ley e ta un proteccion segun Figaroa. Lamentablemente tin un pensamento bou di e trahado mes y hopi biaha bou di companianan, cu sindicato tey solamente ora cu cos ta cana malo. Segun mr. Figaroa, e sindicato tey pa e trahado na tur momento. Y tambe, pa e compania. Hopi biaha como un dunado di trabao, bo ta pasando un situacion fastioso, sin un sindicato no por haci cambio na beneficionan di trahado. Ta mas dificil pa ahusta na un situacion temporal financiero cu no ta bon, pero si e compania tin un CAO y por sinta cu sindicato pa wak unda por yuda e compania keda aflote. No ta asina, cu ta solamente pa e momento cu cosnan ta cana malo.
Hopi biaha e sindicato tey tanto pa e trahado como pa dunado di trabao. Esey ta e beneficionan cu’n trahado tin na dje. Pero ta di lamente cu e no ta cana asina. Si el a keda na parti di trahado so, den caso di problemanan financiero, di parti di sindicato lo tin asistencia en todo caso pa sigura cu e derechonan di trahado ta wordo cumpli cun’e. Y tambe, si mester yega asina leu di bay Corte, e sindicato lo percura tambe den caso dI FTA, pa asistencia legal sin cu mester preocupa banda di e hecho, cu ademas di ta perdiendo trabao, tambe mester pensa riba gastonan di abogado.
No wak solamente e parti negativo di e sindicato, ora cosnan cana malo. Un sindicato tin biaha ta wordo mira, na momento cu e drenta den un compania ta bay exigi shelo y tera y trece un compania den problemanan financiero. Sigur companianan cu tin experiencia caba cu sindicatonan, y FTA no ta un sindicato irealistico cu ta bin cu su exigencia y kibra e compania. E intencion no ta pa kibra e compania. E ta pa duna e trahado su fair share, y pa via di exigi di mas, ta hinca e compania den problema financiero.