ONTARIO, Canada- Un enfermera Canades cu durante ocho aña mata pashentnan di edad avansa, injectandonan cu insulina a wordo condena na bida largo den prizon.
Elizabeth Wettlaufer a admiti asesinato di cinco hende muhe y tres hende homber den e edad di entre 75 cu 96 aña. E muhe tabata trahando den e luganan Woodstock y London den e provincia di Ontario.
Wettlaufer a admiti cu e tabata injecta su victimanan den casnan di cuido, cu un dosis halto di insulina, sin cu tin un motibo medico pa cu esaki. Dialuna den sala di Corte, e enfermera a a pidi pordon na e famianan.
E muhe di 50 aña lo por bin na remarke pa libertad condicional, despues di 25 aña, pero segun hues, e chance pa esaki sosode ta casi nihil. E muhe a keda condenan tambe door di Corte pa varios intento di asesinato y maltrato pisa.
Anteriormente e enfermera a declara di tabata wak su mes coo un instrumento di Dios, pero a expresa di arepenti. Un di e familiarnan a bisa cu e enfermera ta un “desperdicio di tempo, papel y oxigeno”.
Na September aña pasa, polis a cuminsa un investigacion na e mortonan misterioso di e ancianonan. Un dia despues Wettlaufer a entrega su renuncia y a wordo aresta na October.
Fuente: www.anp/nu.nl