Endy Croes (MEP): Apertura campeonato di Atletismo Harry Jansen 2018

0
RBC Juli 2018
ling and sons porciento
Funmiles-2018

Diabierna ultimo den oranan di atardi tabata tin apertura di 55th Harry Janssen national and invitational championship organisa pa AAF, esta Aruba Athletics Federation. E apertura a tuma lugar na Stadion Guillermo P. Trinidad na Dakota. Un apertura masha bunita y colorido unda atletanan di Aruba y Corsou den diferente categoria manera U11,-U13,-U15,-U17, U-20, Senior Men & Women, Masters Men & Women y Open events Men and Women a desfila riba e running track acompaña den ritmo di brassband cual a pone un toke unico y elegante na e apertura. Despues di esaki MC a yama Parlamentario Endy Croes representando Minister di Deporte sr. Danqui Oduber kende tabata den exterior den diferente reunion y Minister President kende tabata tin un schedule hopi ocupa pa hiba palabra. Den discurso di parlamentario Endy Croes a felicita Aruba Athletics Federation y sigur su presidente Evelyn Farrell pa cu e campeonato aki splicando cu e ta masha contento di mira casi 200 atleta di diferente edad cu lo bay ta competi den e proximo dianan. Felicitando tambe henter e directiva, boluntarionan, oficialnan, mayornan y tur cu di un of otro forma a duna nan sosten pa logra organisa esaki cual no ta facil. Alaves a splica cu gobierno den su totalidad ta sostene tur deporte y cu AAF sigur por conta cu e sosten y sosten di gobierno. Endy ta continua splicando cu deporte ta fomenta disciplina, y caracter cual ta contribui engrande pa forma un sociedad. Terminando Endy Croes den nomber di gobierno a desea hopi exito na tur esnan cu ta competiendo. E presidente Evelyn Farrell tambe a hiba su discurso gradiciendo un y tur. E candela Olimpico tambe a wordo cendi y e mascota SHOCO a laga un cantidad di blaas color di oro y preto bay den laira indicando asina e apertura oficial. Sigur un bunita competencia di atletismo entre Aruba y Corsou durante fin di siman. Pabien na e deporte di Atletismo. Riba e potret por aprecia presidente di Federacion di atletismo di Aruba y di Corsou y representantenan Sandra Croes y Wladimir Wolff hunto cu Parlamentario Endy Croes.

Comments

comments

C: Heineken
new india
dvg