Durante e weekend tras di lomba a tuma lugar na Aruba e Copa Meiller Lourens den e deporte di volleyball. Ekiponan di nos hermana isla di Corsou a bin aki y competi contra esunnan di Aruba. Mester bisa cu e weganan tabata riba bon nivel unda e bataya tabata fuerte entre e ekiponan di e dos islanan. Pa loke ta e resultadonan final nos ta haya den masculino, e ekipo Stakamakchi di Corsou y La Fama Spartans di Aruba a keda empata na 2 – 2 mientras den e categoria femenino e ekipo di Gazelles di Aruba a logra vence Stakamakchi di Corsou cu e score di 3 – 1.
Intercambionan den deporte di ekipo ta importante pa nos atletanan mirando cu no ta tur ora e oportunidad ta presenta pa midi nan mes cu otro ekiponan den exterior. Ban spera cu tin mas encuentronan deportivo entre e ekiponan di Aruba y Corsou pa asina den e caso aki engrandese e deporte di volleyball.
Un danki sigur na Lotto, e Loteria di Aruba pa medio di Comision di Subsidio a yuda subisdia e torneo di volleyball Copa Meiller Lourens entre Aruba y Corsou.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.