Mirando cu esaki ta e fin di siman cual lo bay tin e Challenge Aruba y esaki ta algo cu ta pasa den e area di hotel y pa e motibo aki e ora mester a haci cambionan na e rutanan di Arubus, mirando cu ta bay tin dos ruta, uno di diadomingo y uno di diasabra caba, segun Sanin Daou, vocero di Arubus.
For di diasabra mainta 6’or, e area entre Occidental, Hyatt te cu Playa Linda Hotel, lo ta bay ta cera pa nan haci ahuste na e ruta, pa traha toren cu tribuna, etc. Pa e motibo ey e ora Arubus su servicio mester cambia caminda cu lo ta biniendo riba e ruta normal y na altura di Hilton lo bira na man drechi, bay direccion Sasaki, caminda cu lo yega te na e luznan di trafico banda di Wendy’s. Eynan lo bay na man robes te na Marriott, Arashi of Malmok. E pida caminda cu ta pasa dilanti di Hyatt, Paseo Herencia y Palm Beach Plaza lo cay afo, mirando cu si drenta mes na Palm Beach Plaza bin aden, no por bira e bus pa bay bek.
E ora ey Arubus kier pa tur hende tene cuenta cu e informacionnan haya for di polis ta bisa cu for di diasabra mainta 6’or te cu dialuna mainta 6’or, e area aki lo ta cera. E ora ey busnan lo core e ruta aki cual ta uno alternativo, cu ta yega te Hard Rock Cafe, bira na man drechi, subi Sasaki, bay man robes, te na Malmok, Arashi of Marriott, caminda cu ta core normal.
Tambe Arubus kier ta bon cla cu durante diadomingo, cual e evento ta tuma luga, cayanan lo ta cera entre 6’or di mainta te cu 12’or di merdia pa e evento. Tambe ta pidi, cu cooperacion di tur automobilista, cu corda cu lo bay tin hendenan coriendo bicicleta y tambe na pia riba caya. Pa tur hende tene bon cuenta cu esaki. E ta algo hopi grandi pa Aruba. Pero alabes ta bay tin camindanan cera. E ora ey Arubus mester a cambia su ruta atrobe, cual lo publica riba social media, masnoticia.com y tambe otro website y tambe riba nan pagina di Facebook, caminda cu por wak’e tambe. Basicamente e ora ey, na momento di bay Noord, no lo drenta na Divi of Tamarijn. Lo sigui riba Sasaki. Lo bay straight te na e crusada di Superfood. Na crusada di Superfood nan ta permiti Arubus bay man robes, caminda cu ta bin sali na altura di Amsterdam Manor. For di eynan por core e ruta te na Hardrock Cafe. Eynan ta bira na man drechi y durante evento, no por bay Noord, direccion di Lighthouse. Eynan lo sigui pasa e luznan di trafico, caminda cu lo subi e caminda di Bucaneer. Eynan lo bin bek zuid te na Pos Abao. Na Pos Abao, na altura di Eagle Bowling, lo bira na man drechi, bay te rotonde y for di rotonde lo bay te caminda e crusada di hospital ta. Eynan si lo drenta bay straight na crusada di Alhambra y for di eynan si e ruta ta sigui normal camind ta sali na Tamarijn. Esey ta entre diadomingo mainta, entre 6’or di mainta te cu 12’or di merdia.
Arubus kier pa tur hende tene esaki na cuenta pa evita cu para un caminda cu bus no lo pasa, Sanin Daou a finalisa.