Empresarionan di Aruba por participa na Foro di Inversion y Exportacion na Republica Dominicana

0

Tin diferente eventonan cu a desaroya na Santo Domingo. E biaha aki tin un evento special cu lo cuminsa na Republica Dominicana, cu ta foro di Inversion y Exportacion di Paisnan Miembro di SICA. Sr. Eduard McCollum, Vice Consul di Republica Dominicanan na Aruba, ta amplia mas ariba esaki.

SICA ta e Sistema de Informacion Centro Americano, consistiendo di paisnan Centroamericano. E oportunidad aki ta uno basta bunita y pesey kier invita empresario y emprendedornan di Aruba pa asisti na e evento aki, cu ta bay ta dia 28 y 29 di juni, den e Centro di Exposicion di e Cancilleria Dominicana.

E importancia di e evento aki por ta transcendental pa un comunidad chikito manera Aruba. Normalmente hopi empresario ta biaha pa Costa Rica. Ultimamente a wak hopi productonan di Costa Rica ta drenta Aruba, como tambe di varios pais cu ta forma parti di SICA. Na e exposicion aki bo ta bay topa cu tur na un solo evento. Bo no mester bay e pais, p.e. Costa Rica of Republica Dominicana unicamente pa topa cu productonan di e pais ey. E foro aki no solamente ta bay tin manufacturers, producers y companianan cu ta traha productonan termina, y agricola di cada un di e paisnan akinan. Pero aparte di e boothnan cu ta bay tin, e empresarionan di Aruba cu lo asisti lo bay haya e oportunidad di haya sa na unda nan por haci inversion, tanto den sector publico, como priva, den cada un di e paisnan akinan.

Tin un link online cu ta duna tur informacion tocante e evento, ofertanan pa cumpra pasashi pa yega Republica Dominicana, di e aerolineanan, di hotel. Y cada ken pro haci su mesun booking pa e evento aki.

E importante ta cu e situacion economico cu tin rond mundo, empresanan na Aruba a cuminsa busca manera pa bin cu producto Latinoamericano. Y esaki ta un bunita punto di bista, cu ta ofrece e mesun cos cu un producto di rasa Europeo o Norteamericano, pero na un prijs mas factibel, mas real pa locual ta nos economia na Aruba.

Sr. McCollum a remarca y enfatiza cu paisnan di SICA ta e paisnan cu mayor crecimento economico den full region Latinoamericano, den e ultimo 5 pa 6 añanan. Actualmente Republica Dominicana ta presidente di SICA, pro tempore. Y e crecimento p.e. Di un republica Dominicana cu ta den un 5% pa 2017 pa 2018, ya Banco Mundial y CEPAl a anuncia cu e ta algo mas di 4% pa 2018. Paisnan manera Panama cu 5,6% cu ta e mayor crecimento den e region Latinoamericano. Pero tin tambe Nicaragua cu’n 4.4% y Costa Rica cu’n percentahe halto di crecimento. Di ora cu SICA a bin e paisnan aki a enfoca den desaroya productonan exportabel, no solamente pa Merca y Europa, pero pa Caribe tambe.

E ta un punto importante cu cada un di e paisnan akinan, a tuma como obhetivo y Aruba ta parti di Caribe, dus e ta importante pa empresarionan di Aruba asisti na e evento aki. Y durante e evento lo topa cu no solamente minister y doñonan di empresanan di cada un di e paisnan aki, cual ta mas di 20 pais invita, lo tin personanan importante, unda cu lo tin oportunidad pa papia cu nan, pa no haci no solamente un relacion comercial, pa futuro tambe, pa comercio den futuro. Ta bay tin Alicia Barsena, cu ta un economista y mas importante den Latinoamerica den Economia y Comercio, cu ta ehecutivo di e comision economico pa America Latina y Caribe, cu ta CEPAL. Esey ta aparte di Banco Mundial, institucion cu ta duna e datonan di crecemento y desaroyo economico of decrecemento di Latino America. E invitacion tin suficiente tempo pa por bay online, of tuma contacto cu Consulado Dominicano na Aruba, via celnr. 737- 9292.

Cu mil amor, Sr. McCollum lo duna tur informacion y duna tur datonan cu mester manda via email pa esun cu ta interesa pa participa.

Loke hopi hende no sa ta cu tin paisnan cu ta participa cu no ta miembro di SICA, cu su producto p.e. carni, si un carni no ta logra drenta Merca of Europa no por drenta Aruba. Tin productonan di carni cu ta bin p.e. di Costa Rica y Guatemala cu por drenta Merca y si e drenta Merca, e por drenta Aruba.

Esaki por cumpli cu e expectativanan di e cumpradornan, segun vice consul di Republica Dominicana, Sr. Eduard McCollum.

Comments

comments