LONDRON, Inglatera – E crecemento puhante di e empresanan di zona Euro a debilita inesperadamente pa e final di e prome mita di 2017 tras un repentino desaceleracion den e ritmo di expansion di e firmanan di servicio, un encuestra a keda demostra diabierna.
No obstante, den un contexto di inflacion relativamente resistente y un crecemento global ainda bastante solido, probablemente lo mantene e presion riba e funcionarionan di e Banco Central Europeo, pa nan cuminsa retira nan politica monetario ultralaxo.
Na principio di e luna aki, BCE a bandona su inclinacion na rebaha mas ainda e tasanan di interes, loke a supone un paso chikito pa normalisacion.
E lectura preliminar di e indice componi di gerentenan di compras (PMI) elabora pa IHS Markit, a cay na 55,7 na Juni, desde e nivel di 56,8 registra na April y Mei cu tabata su nivel mas halto desde April di 2011. Un lectura riba 50 ta indica crecemento.
Un encuesta di Reuters no a premira ningun cambio den e indice, cu ta wordo considera un bon forma di predici e crecimento futuro y ningun di e economistanan encuesta a pronostica un caida asina grandi.
Fuente: http://lta.reuters.com