Paranda festivo tabata na ordo durante di un celebracion recien di temporada di fin di aña teni pa empleadonan di Playa Linda Beach Resort na Old Man & The Sea restaurant na Savaneta. E restaurant canto di lama a ofrece e lugar perfecto pa gosa di un cena sabroso, sigui cu opcionnan pa rek piesa riba pista di baile of di djis sinta y absorba den e bista tranilo di santo y lama.
Gerente General di Playa Linda, Jan van Nes, a remarca riba e contribucionnan excelente di empleadonan cual a resulta den varios logro e aña aki, incluyendo varios mehoracion exitosamente completa na e resort, Playa Linda logrando atrobe su status di Green Globe y ISO 14001 como tambe e reconocimento door di TripAdvisor cu un certificado di excelencia.
Pa clausura un exitoso 2012, empleadonan a comparti brindis di fin di aña y a deleita den un celebracion di alto energia, bailando te den oranan laat di anochi. Puntonan culminante di e anochi a inclui tambe, ceremonia di entrega di premio y varios rifa presenta na e ganadornan fortuna.
Loading ...
