Dialuna, pa mas of menos 11’or di mainta, Central ta dirigi patruya na altura di Eagle Beach caminda cu tabata tin e evento di beach tennis, caminda cu un persona tabata tin problema den lama. Eynan polis a wordo notifica cu mas of menos 45 minuut prome cerca di e boeinan, un jetski cu dos persona,a purba di yuda un otro den awa. Despues e jetski a bay direccion nort y a laga e persona atras. E homber a mustra polis unda e jetski tabata. A bay eynan y a papia cu e homber Q., kende ta traha pa Delfi Watersport. Q. a declara cu un di e jetskinan a haya problema, pasobra un liña entre e rotor di e jetski a stop y el a purba di los’e, pero ningun hende no tabata tin problema riba lama. Segun Q. ora el a core bay, tabata pa busca un cuchiu pa asina corta e liña. Central a wordo poni na altura.