WILLEMSTAD – Emocionnan di e parlamentarionan di Corsou ta halto. Giselle McWilliams, presidente di Parlamento di Corsou, a comenta cu no por hiba un reunion den e estado di emocion ey. Corsou a tuma nota di actitud y tiramento di palabra den e organo di mas halto y el a dicidi di cancela e reunion y sigui otro dia pa asina duna espacio pa e parlamentarionan por fria cabes.
E ta sigui declara durante un entrevista cu Tele Curacao, cu e ansha ta hopi grandi y nan a bay bek den pasado door di no yama reunion. McWilliams a comenta cu e ta bin for di un partido di 45 aña y nunca ta pasa den nan cabes di haci actonan antidemoctratico.
E parlamentarionan tin cu baha nan emocionnan y McWilliams ta spera cu nan por reuni un biaha mas diabierna, caminda cu lo eligi un presidente y vicepresidente nobo di Parlamento.