Diaranson a tuma e reunion tan spera entre e mandatario di Medio Ambiente y Piscadonan den Union tocante e Parke Marino. Presente na e reunion aki tabata t’ey tambe Sr. Otmar Oduber, minister di Medio Ambiente.
Gran parti di e piscadonan no ta di acuerdo cu e Parke Marino y cierto momento por a mira con emocionnan ta bay halto. Tin sinti cu tin un division entre e piscadonan, algun na fabor y otro en contra di e proyecto aki.
Dado momento un persona presente na e reunion, tabata exigi pa minister contesta su preguntanan. Pero e no tabata sinti su mes satisfecho cu e contesta y por a ripara cu e emocion a hunga un rol akinan. Esunnan presente a intermedia y a hala e meneer un banda, pa asina e por a calma su mes. Asina tambe ta evita cu e reunion lo por a sali for di man.