Embarcacion naval Mericano ta los tironan di advertencia riba barconan Irani

0

Diadomingo un embarcacion naval Mericano a lansa un tiro di advertencia, den e Hormuz Straat, segun un oficial Mericano a informa dialuna. Barconan Irani a yega cerca di e embarcacion Mericano den cinco ocasion separa cu velocidadnan halto, segun e ofical a informa. E embarcacion Mericano a lansa un tiro di advertencia.
E incidente aki ta e ultimo den un serie di tensionnan entre e dos paisnan y den e awanan cerca  di Iran den e ultimo lunanan. E serie di incidentenan aki ta inclui lansamento di misilnan Irani y dronenan bulando riba e embarcacionnan Mericano, como tambe e captura di Marineronan Mericano.
Esaki ta un setback despues cu Merca y Iran a renoba nan contactonan diplomatico, cual a causa un serie di criticanan contra e politica streng Irani, incluyendo e poderoso Guardianan Revolucionario Irani.
E Hormuzstraatl, unda e ultimo incidente a tuma luga, ta situa entre e Golfo di Oman y e Golfo Persico.
Na November, un helicopter Naval Mericano tabata tin un encuentro hostil cu e patruya di e Guardia Revolucionario cerca di e Hormuzstraat.
Na September, Iran a menasa di deriba un avion naval Mericano. Iran a bisa cu e avionnan aki tabata violando su espacio aereo.
Na Augustus, un patruya naval Mericano a lansa tres tiro di advertencia contra e  barco di e Cuerpo di Guardia Revolucionario despues cu oficialnan Mericano a declara cu e barco Irani tabata acosa e partuya Mericano.

LAGA UN REPLY