Durante un entrevista cu Sra. Monica Labad-Giel di Wit Gele Kruis Aruba ta splica cu ya a cuminsa midi caba den e luna aki kico ta e total di mama hoben ta bira mama despues di carnaval 2017.
Enberdad cu ta bon cu awo cu aña ta cabando, pa trece un relato di con e situacion ta na Aruba, relaciona cu embaraso hubenil. For di ora cu aña a habri te cu Juli, e cifra tabata na 40, cual WGK tabata contento cun’e, ya cu e no ta un cifra hopi halto. Pero despues el a bira 70 actualmente, cual ta e Carnavalsbaby. Y mester warda ainda ariba esaki. Den un periodo hopi cortico, el a subi di 40 te cu 70, cual ta 30 y esey ta hopi pa un periodo asina chikito.
Ainda falta November pa wak e resultadonan. Loke a keda señala ta e bario cu e cantidad mas grandi, cual ta Santa Cruz, cual no ta solamente den cifra, pero tambe e problemanan cu e ta bin cun’e. Esey ta e parti cu unda nan ta bezig aworaki ta wak, kico ta bay haci y wak pa haci un investigacion den e bario di Santa Cruz, mirando cu tur aña e cantidad mas halto ta den Santa Cruz, y un tempo esaki tabata San Nicolas y Noord. Pero esey a baha y e ultimo 5 añanan esaki ta Santa Cruz. E cifranan ta keda registra segun nan bario unda nan ta biba. E ta parti den 8 bario, pero Paradera ta cay bou di Santa Cruz, dus no por bisa solamente Santa Cruz y awo Paradera tambe ta cay awo bou di Santa Cruz. Pero tin cu bisa cu e cifranan ta di adresnan cu ta specificamente den Santa Cruz.
Mas aleu Sra. Labad ta bisa cu nan ta haci hopi na preventie, loke wordo señala durante aña ta bin bek dne prevencion. E charlanan ta mas specifico ariba locual ta e parti con un mucha muhe ta sali na estado y kico ta su consecuencianan, ta traha un dagindeling di e baby. Dus di cada cuanto ora e ta lanta. Puntra e mucha muhe kico nan sa y si nan ta prepara pa esaki. Cu ora cu yega e momento ey, cu nan ta haya sopresa y e ta bay robes.
Ultimo temponan, WGK ta haya hopi peticion pa coaching. Si e mucha ta activo caba, bo ta haya e aanmelding, WGK ta bay scol y ta papia cun’e. Ora cu un mucha ta activo, bo mester keda activo. Bo mester preveni un embaraso y tambe e malesa transmiti. E partner of e cuanto partner cu ken nan ta tene relacion. Tin ora den un aña nan ta tene relacion cu 7 of 8 partner, con nan a conoce e mucha homber y den un periodo corto ya caba nan ta tene relacion, sin sa e background di e mucha homber. Y den caso di e mucha homber, sin sa e background di e mucha muhe, segun Sra. Monique Labad, di Wit Gele Kruis.