Tin hende aki ta gusta aparenta como un salbado (lesa un Dios), un ‘Don sabe lo todo’ of un ‘Mr. Fixit pa e ‘pober’ Arubianonan, practicando alabes e dicho ‘scucha mi palabranan, pero no mira mi actonan’. Pa algun aña caba, e sociedad Hulandes tin nan stoma yen di ‘graaiers’, cu ta yena nan saco a costo di pueblo, bou pretexto cu nan merece e placa pa nan ‘trabou’.
‘Nederland is de graaicultuur meer dan zat. Al jaren woedt de discussie hoe over er een einde gemaakt kan worden aan het schaamteloze grootverdienen in de top van de publieke sector. Terwijl er nu al jaren achter elkaar bezuinigd wordt op voorzieningen die ons allen treffen..(The Post Online, 7 Februari 2013);
Oud-topman Philips Boonstra zegt zich grote zorgen te maken over de maatschappelijke effecten van toenemende ongelijkheid: ‘Iedere keer dat weer een forse bonus betaald wordt, is dat een stimulans voor onlustgevoelens (Volkskrant, 16 April 2016).
Definicion exacto di un ‘graaicultuur’: ‘Een cultuur waarin inhaligheid en hebzucht een belangrijke rol speelt. Voorbeeld: Door de graaicultuur bij de grote banken is de kredietcrisis ontstaan (www.woorden.org)’.
Awor ta hopi straño cu e Hulandesnan tin nan stoma yen di ‘graaiers’, pero di un forma of otro nos gobierno cu ta, segun gobierno, un bon amigo di Hulanda no sa di esaki y ta parce cu e mes ta promove e cultura di ‘graaien’ aki na Aruba, entre otro door di duna e mesun conseheronan mas pechi pa bisti.
Na diferente ocasion nos a denuncia publicamente cu e no ta bon cu e mesun grupito selecta, ta ocupando tur funcion den e diferente hunto di supervision of conseho di institutonan of empresanan estatal. No solamente esaki ta carece di transparencia, e tambe ta pone e punto di integridad na discusion. No lubida ‘Wiens brood men eet, wiens taal men spreekt’.
E declaracion di e presidente di e conseho di supervision di Colegio Arubano diasabra pasa (Bon Dia, 20 Augustus 2016), a provoca hopi pregunta cerca nos di partido ABO. No solamente e presidente tin varios pechi bisti, e tambe tabata forma parti di e consehonan anterior cu a tuma e decisionnan pa trece 2 rectornan pa Colegio Arubano cu no a resulta. Pues tecnicamente e tambe ta responsabel pa e mal decisionnan aki. Wel, dicon e no a entrega su retiro manera 3 otro miembro y ki garantia pueblo y e mayornan tin cu e no bolbe tuma e mesun tipo di decisionnan malo? Dicon e conseho di supervision ainda no kier splica pueblo y e mayornan cuanto placa a wordo paga na e rector saliente cu su ‘afkoopregeling’? Uzando e asunto di ‘geheimhoudingsclausule’ como argumento, ta nada otro cu un excuus huridico pa sconde cuanto e ‘blunder’ aki a costa y ken ta esunnan responsabel. Di tur forma, esaki ta un muestra di falta di integridad y sinceridad.
Segun e matutino menciona, awendia Colegio Arubano ta wordo yuda pa un experto den maneho di e compania ‘Harmony In Motion’. Si nos memoria ta sirbi nos bon, algun aña pasa e mesun experto tabata forma parti di Aruba Management and Training Institute (AMTI). AMTI a organisa diferente curso di integridad pa ambtenaarnan y riba su recomendacion, tur ambtenaar mester a huramenta pa mustra cu despues di e huramento e lo ta uno integro y honesto. Interesante pa sa si e experto a discuti e programa di integridad y transparencia cu e presidente di e conseho di supervision na otorgamento di e contract na ‘Harmony in Motion’. Na nos humilde opinion, e lo ta un tremendo idea si e ciencia di integridad y transparencia, tambe lo wordo aplica den e conseho di supervision di Colegio Arubano. Asina kisas algun miembro lo compronde cu un mayoria di e pueblo Arubano tambe ta e ‘GRAAICULTUUR ZAT’