Exploracion di espacio ta un wega di hende rico. Cada biaha cu bo ta mira un racket wordo lansa for di Kennedy Space Center, estruendosamente e ta trahando su caminda pa bay ariba di e atmosfera di nos planera, loke ta representa un gasto di decenas di miyones of incluso cientos di miyones di dollar. E ekivalente efectivo di cada lansamento di e transborador espacial, tabata un hemchi di biyetenan di dollar cerca di 25 pia di banda.
E rason pa esaki ta simpel. Historicamente, racketnan tabata un obheto di un solo uzo – imagina e costo di bay trabao si bo mester cumpra un auto tur dia.
Por lo tanto, diahuebs, dia 30 di Maart, a marca loke por ta un hito den e analnan di racket – uno cu grandemente por aumenta e posibilidad di biaha pa espacio profundo. Un compania yama SpaceX, exitosamente a reuza un racket pa lansa un satelite den espacio.
Funda na 2002 pa e empresario Elon Musk, SpaceX tabata na vanguardia di exploracion di espacio comercial. Musk tabata durante hopi tempo un defensor di colonisa e planeta Marte y a uza su rikesa considerabel pa desaroya e tecnologia di racketnan reuzabel.
E ekiponan actual di SpaceX ta consisti di e sistema di racket di dos etapa Falcon 9 y e carga util y tripulacion modulo di dragon. Falcon 9 ta lanta e carga den orbita. Mientras cu e di dos etapa di e racket ta diseña pa cay na tera y kima den e atmosfera. Pa varios aña SpaceX a bin ta desaroya e habilidad pa gentilmente aterisa e prome etapa verticalmente sea riba un pad cerca di e facilidad di lansamento of riba plataformanan flotante den oceano varios shen miya for di e luga di lansamento.
E prome exito di aterisahe riba tera a tuma luga dia 22 di December di 2015, na LZ-1 na Cape Canaveral Air Force Station, mientras cu e prome aterisahe riba un barca, a sosode den Atlantico dia 8 di April 2016.
Tabata tin varios otro aterisahenan vertical exitoso, pero ningun di e racketnan aki a wordo reuza te cu awo. Diahuebs, SpaceX a lansa un satelite geoestacionario di comunicacion, uzando un Falcon 9 di refuerso den e prome etapa. E lansamento no solamente exitosamente a drenta den orbita, pero e refuerso un biaha mas a aterisa manera planea riba un plataforma flotante situa den awa hunto dilanti e costa di Florida.
Por lo tanto, e exitonan aki ta tecnicamente satisfactorio, pero ta importante? Esey ta sin duda. De hecho, e por ta un cambio den wega.
E rason ta simpel. E prijs di e fuel ta solamente e 1% di e costo total di e lansamento di un racket. E resto di e racket riba su mes, cu e 70% di e prijs mara na e prome etapa di e booster. Cu e posibilidad pa reuza e racket, ta representa un spaarmento enorme di costo. E industria ta calcula cu e reuzo di e prome etapa di e prome etapa di e Falcon 9 booster, por hiba na 30% di reduccion di costonan di lansamento.
Por lo tanto e costo tipico di un lansamento di SpaceX di $62 miyon, por reduci na miyones, na $43 miyon – un contribucion considerabel na e resultadonan di e compania di satelite. E costo di e lansamento di diahuebs, no a wordo divulga, pero SES, e compania cu ta doño di e satelite cu a wordo lansa, a bisa cu nan ta interesa den un prijs mas abao di $30 miyon pa e prome intento aki.
Fuente: CNN Technology