Diaranson pasa, N.V. Elmar hunto cu e isla di Aruba tawata e co-anfitrionnan orguyoso di e conferencia inaugural di ICT Americas (ICTA) den Caribe. Pa 3 dia, the Hilton Aruba Caribbean Resort tawata e localidad esencial di reuni pa e CIO, CTO y professionalnan den IT/ Networking di companianan principal y internacional manera Nutanix, W.I.T Intelligent Technology, Amazon, Arista y Palo Alto Networks.
E conferencia a dura un total di 3 dia, cu N.V. Elmar y Aruba como co-anfitrion y tawata funda pa John Maldonado, CEO di W.I.T Intelligence Solutions. Durante e evento aki di 3 dia, lidernan di e industria a: bini hunto, network, presenta y intercambia ideanan pa asina bai mas dilanti di e oportunidadnan. Varios oradonan grandi a subi podium pa comparti nan innovacionnan mas recien, tips y ideanan. Oradonan manera: entrenado tecnico mayor Wes Gruver di AWS Amazon, ingeniero mayor di systema Gustavo Sosa di Nutanix y N.V. ELMAR su lider di innovacion Ivan Ng.
N.V. Elmar tin varios aña ta traha cu Nutanix y W.I.T Intelligence Technology y a hasta asigna un unidad special pa ICT technology na nan oficina principal na Oranjestad. Pa medio di e tecnologianan nobo, N.V. Elmar por a logra introduci na e isla; Smart Meters, luznan di caya cu Smart LED, systema prepaid di SmartUp y charging pa Vehiculo Electrico Smart. Innovacionnan increibel cu lo destaca Aruba ta cla pa hiba delantera cu IT technology and Development.
Segun Mr. Maldonado a menciona den su introduccion: “Aruba ta un di esnan mas avansa den Caribe pa loke ta tecnologia.”
Diaranson anochi a marca e comienso di e conferencia, cu musica, bebida y pasaboca. Aunke, diahuebs mainta tawata e berdadero comienso segun cu Nutanix a subi podium y Gustavo Sosa hunto cu Willy Brun a papia tocante Nutanix Cloud Enterprise. Despues di e presentacion, un comite cu a inclui N.V. ELMAR su lider di innovacion Ivan Ng, Dagoberto Hernandez y Tabare Alvarez di EdeNorte, a papia tocante e diferencia cu Nutanix Technology a haci pa cada un di nan companianan.
E ultimo dia di e conferencia a resulta di ta tremendo, ora cu Alex Spoov, Director Tecnico di W.I.T. y Entrenado Tecnico di AWS Amazon, Wes Gruver a subi podium. Wes Gruver a introduci e principal di Amazon su servicionan den calculacion, storage, database y networking. E tawata e prome biaha cu un orado di e compania multibiyonario a yega di papia den Caribe.
Otro topiconan importante di e conferencia exclusivo a inclui: seguridad cibernetico, atake riba data personal y e regulacion recien di e GDPR na Europa. Asistencia tawata solamente pa medio di invitacion y a resulta di ta un exito grandi. N.V. ELMAR ta gradicido pa por a ser co-anfitrion na e prome conferencia di ICTA den Caribe y ta desea ICTA hopi mas conferencianan exitoso den e añanan binidero.